دهب الأفضل
اهلا بالزائر - ضيف كريم على المنتدى - وليد دهب يحيك ونتمنى اشتراكك معنا


منتدى شامل فبه كل ما تتمناه ( دهب الأفضل ) ....اسألكم الفاتحة لوالدى رحمة الله عليه
 
الرئيسيةالرئيسية  البوابةالبوابة  بحـثبحـث  التسجيلالتسجيل  دخولدخول  

شاطر | 
 

 تصليح الفلاش ميموري --كلام نهائي--نسخه منقحة و مختصرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
DAHAB
Admin
Admin
avatar

عدد المساهمات عدد المساهمات : 591
المستوى المستوى : 0
تاريخ التسجيل تاريخ التسجيل : 18/08/2011
المزاج المزاج : عااااااالى

مُساهمةموضوع: تصليح الفلاش ميموري --كلام نهائي--نسخه منقحة و مختصرة   الثلاثاء فبراير 14, 2012 5:17 pm

تصليح الفلاش ميموري --كلام نهائي--نسخه منقحة و مختصرة

I
توكلنا علي الله

II- مقدمة ( طبعا مهمة )

مش معقول يعني كل مقدمة هتكون فشنك
نتكلم في الجزئية دي ــ و الموضوع هيكون جزئيات و كل ما تلاقي نفسك فاضي خد جزئية
الكلام عن فكرة الموضوع العامة و ايه الفرق بينه و بين برامج الفرمته و الحلول الاخري

أضرب مثال

تخيل لو إنك عندك ويندوز و حصل فيه قلق يعني لعب في الريجستري علي كام فيرس علي ملفات سيستم ناقصه علي كل اللي يجي علي بالك و الجهاز قارفك اخر قرف ايه الحل في الحاله دي ؟؟


طبعا واحد هيقولك سطب الكاسبر ــ اكيد من اللي بيحبوه ـــ يجيلك واحد من اللي بيكرهوه و يقولك نود و التالت افيرا و الرابع يقولك الهاي جاك اولا و هتقعد أخي الكريم ترقع في النسخه من هنا و من هنا و يا عالم ممكن الحلول تظبط و ممكن لا

طيب ايه الاريح؟؟ انك تفرمت و تسطب ويندوز من جديد طالما هاردوير الجهاز سليم و عندك نسخه ويندوز نضيفه فرمت و اتكل و انسي كل المشاكل دي دا تقريبا الحال مع الفلاش



الفلاشة بعد التشريح بتكون عاملة كده




كل فلاش عليه برنامج بيحدد ماركته و سعته و قابليه الكتابه و كل شئ خاص بالفلاش أيوه مظبوط اسمه firmwareو بيبقي موجود علي حاجه اسمها شيب control chip دا في المثال بتاعي يقابل الويندوز ـ رقم واحد في الصورة 1



و في جزء من الفلاش اسمه الروم او الذاكرة memory chip دا اللي انت بتخزن الملفات عليه و دا ممكن نسيمه في المثال بقيت الهارد و القلق اللي عليه ـ رقم 2 في الصورة



كل الحلول السابقه بتلعب علي الذاكرة يعني مثلا انت عاوز تفرمت الفلاشه الامر تنفيذه بيتم علي الروم بس لازم الfirmware هو اللي ينفذ طيب امتي تنفع الحلول دي لو الفيرم وير كويس و المشكلة في الروم طيب ايه اللي يحصل لو الفيرم نفسه هو اللي باظ او ببيبوظ طبعا انسي مش هتعرف تطبق امر واحد علي الروم

الفرق بين الحل ده و اخواته ان الحل ده ببساطه بيتعامل ابتداء مع الشيب هنفرمت الشيب—يعني هنشيل الويندوز—و بعد ما نزل شيب جديد نقوله فرمت و بس
أتمني تكون الفكرة وصلت بالسلامة

و أنا أهم شئ عندي توصيل فكرة الموضوع لان العملية سهلة خالص و تطبيقها سهل جدا
و كان ممكن مثلا بدل كل الكلام ده ــ اللي فات و اللي جاي ـ أقولك هات بيانات الفلاشة و انا اديك برنامج يفرمت و خلاص بس لا و ألف لا الحكمة بتقول " لا تعطيني سمكة و علمني الصيد " و ان شاء الله الكل لازم يتعلم الصيد بالاضافة الي اني لو كنت عملت كده كان الموضوع هيكون مخالف لانه ممنوع فتح موضوع تلقي الطلبات هههههههههه
بعد فكرة الموضوع النظرية نشوف التطبيق العملي بس في كلمتين كده الاول و لا أقولك نخليها جزئية


III-نصائح هامة جدا قبل تطبيق الموضوع

1-يجب التأكد من أن العيب بالفلاشة و ليس شئ آخر ـ يعني مثلا أحيانا الفلاشة بتكون محمية نتيجة فيرس غير اعدادات في الويندوز ريجستري فالحل هنا يكون بتصليح الويندوز
أحيانا اخري بيكون العيب من المنفذ المستعمل او استعمال كابل تطويل ردئ فيجب التأكد من مثل هذه العوامل


2-إذا تأكدت أن العيب من الفلاشة ـ و كانت مثلا محمية ضد الكتابة ـ هناك حلول أخري ـ
و ماأكثرها هنا في المنتدي ـ يعني يفضل ان تجعل تجديد الفيرم وير آخر الحلول


3- (دا انت مصمم بقي علي طريقة الموضوع)
إذا كانت الفلاشة في فترة الضمان أو الكفالة لا تجرب طريقة الموضوع لان مجرد تغيير الفيرم وير كافي باخراجها خارج الضمان بالإضافة ان طالما في الضمان يبقي نستبدلها و نريح نفسنا
و الفلاشات لها ضمان كاي قطعة اخري بمعني لا تجعل البائع يوهمك ان الفلاشات تباع بلا ضمان سيبك منه و اشتري من غيره


4- إذا كانت الفلاشة من ماركة معروفة مثلا Imation أو A-data أو Transcend او غيرهم
يفضل تبدا الحلول بالبرامج الرسمية التي توفرها مواقع هذه الشركات و لو الفلاشة حتي في فترة الضمان لا إشكال لانه برنامج رسمي و دي خطوة ناس كتيييييير بتهملها


5- ( ايه ده ؟ انت لسه معايا)
بعد كده ممكن نلعب في الفيرم وير زي ما إحنا عاوزين و ضميرنا مستريح تماما
نقطة اخري مهمة و هي إن معظم برامج الشيب بتطلب ويندوز اكس بي أي نعم أحيانا البرامج بتعمل علي ال 7 بدون مشاكل و احيانا لا تعمل فالشغل علشان يكون standard يكون علي اكس بي لا يوجد لديك سوي 7 يبقي تجرب البرنامج عليه انت و حظك واذا لم يكن يبقي تتصرف في اكس بي
نرجع بقي للتطبيق العملي ـ ركز معايا انت نسيت و لا ايه؟


IV - ال Chip Genius



احنا قولنا قبل كده ان طريقة الموضوع ده بتعتمد علي ال firmware الموجود في ال control chip
وطبعا عقلا مش معقول كل الفلاشات باختلاف ماركتها و موديلاتها ليها شيب واحد كل فلاشه ليها اللي يخصها و خلي بالك مش كل ماركة نظام شيباتها واحد كل فلاشه علي حده


فالمطلوب دلوقتي نحدد نوع الشيب و رقمه

عندنا كذا طريقة


1- حضرتك فاكر صورة الفلاشة المتشرحة فوق دي؟ أفضل طريقة و بدون استعمال برامج هي فتح الفلاشة و قراءة الكنترول بالعين المجردة طبعا مع انه حل ممتاز و هامش الخطأ به

0 % و لكن غير محبوب ـ مش عارف ليه ــ فالخيار ده هيكون الثالث و الأخير معانا في معرفة الكنترول شيب بس انا بدات بيه لانه الادق
و ركز معايا انا قولت اننا هنجعله الخيار الثالث ـ هنحتاج السطر ده بعدين




2- ثاني طريقة و أول خيار هي استعمال البرنامج العبقري ـ حسب اسمهو فعلا _


Chip genius



برنامج اكثر من ممتاز لمعرفة الكنترول شيب و حجمه صغير فقط 132 كيلو بايت

تفضل رابط البرنامج مباشر علي جوجل
للتحميل اضغط هنا

وصورة البرنامج الرئيسة بعد تشغيله





رقم 1 في الصورة



- يقوم البرنامج أوتوماتيكيا بتحدد الفلاشة و كما في الصورة انتقل السطر المظلل الي الفلاش ذو الحرف j


أحيانا عند توصيل قارئ كروت و فلاشة يخطي البرنامج و يعطي بيانات الريدر و ليس الفلاشة


فتاكد دائما ان البرنامج محدد السطر الخاص بالفلاشة و يمكن معرفة ذلك بسهولة عن طريق حرف البارتشين أو حل آخر افصل الريدر من الجهاز دلوقتي



أيضا أحيانا عند توصيل الفلاشة و الماوس مثلا او الفلاشة و اي شئ اخر علي هب او كابل مشترك حصلت مرة ان البرنامج دمج بيانات الاتنين في صورة كانت عجيبه



و أفضل شئ طبعا الفلاشة تكون في منفذ البوردة مباشرة




رقم 2 ـ برضه في الصورة ـ



الجزء مطلوب في بيانات الفلاشة ـ هو ده ـ


كما نري سطرين أول سطر


chip vendor :alcor


دا اسم الشركة صاحبة الكنترول و دا الاسم اللي هنبدا بيه عملية تنزيل الفيرم وير من الموقع


chip part-number


دا رقم الكنترول و دا أهم سطر في البرنامج لان أول حرفين بيكونوا اختصار لاسم الشركة و الباقي رقم الكنترول يعني السطر ده يغنيك عن السطر السابق ـ إذا كنت تعلم الاختصارات


ففي المثال هنا عرفنا ان الشيب من انتاج شركة alcor و رقم الشيب au6981-3



رقم 3- ( فين ؟؟)


حاجه اسمها ال بيد و ال فيد حاليا ملهاش اي لزمة في حالتنا هذه و لا يعتمد عليها في معرفة الكنترول و لكن أحيانا بتنفع







دلوقتي المطلوب هو موقع لتنزيل البرنامج المنشود



أفضل المواقع من وجهة نظري هو الموقع الروسي

[ندعوك للتسجيل في المنتدى أو التعريف بنفسك لمعاينة هذا الرابط]




وحتي لا يطول الموضوع كما حدث اول مرة من سنه



ياااااااااااااه احنا بقالنا سنه دا السنه م... و لا بلاش



الموضوع من سنه كان كده النسخة الأولي



نرجع للموضوع ـ الاستطراد ده مشكلة ـ حتي لا يطول الموضوع و نظرا لكثرة الصور فضلت



إني أجعل كيفية التعامل مع الموقع في جزئية منفصلة
صور الشرح علي الموقع المترجم





شركة Ameco هي هي شركة Micov
لان الشيب جينيس بيكتب micov وقد اعتقد البعض ان الشيب غير موجود في الموقع

مثلا في هذا الشرح سوف اختار الشيب alcor لتنزيل برنامج خاص به
ضغطت علي كلمة alcor كما هو موضح بالصورة


يلاحظ وجود عدة اصدارات مختلفة لرقم الشيب الواحد لا إشكال

"" عادة بنبدأ بأحدث إصدار و إذا لم يقرا الفلاشة نجرب اصدار اقدم و هكذا
و لا يشترط ان طالما الاصدار الاحدث لم يقرا الفلاشة يبقي الباقي لن يقراها
بالعكس حالات كثيرة جدا جدا الاصدار الأقدم هو الحل ""

و أيضا غالبا يوجد عدة صفحات للشيب الواحد كما هو مبين في آخر الصورة

اخترت مثلا أول برنامج موجود في القائمة



تعليقات و تجارب الاعضاء مفيدة
و أحيانا بيكون حل مشاكل كتير في الكلام الجميل ده

ضغطت download لتنزيل البرنامج


إرسال رسالة عبر MSN إلى mahmoud_abdou


افتراضي

كيفية التنزيل من الموقع flashboot.ru

نتكلم في المشاركة دي عن كيفية تنزيل برنامج الشيب المناسب من الموقع الروسي
مع ان الموقع سهل في التعامل بس لازم نتكلم




طبعا الموقع انتم عارفينه كويس


[ندعوك للتسجيل في المنتدى أو التعريف بنفسك لمعاينة هذا الرابط]

و نسخة مترجمة منه عن طريق جوجل من هنا

Google . flashBoot



شركة Ameco هي هي شركة Micov
لان الشيب جينيس بيكتب micov وقد اعتقد البعض ان الشيب غير موجود في الموقع

مثلا في هذا الشرح سوف اختار الشيب alcor لتنزيل برنامج خاص به
ضغطت علي كلمة alcor كما هو موضح بالصورة


يلاحظ وجود عدة اصدارات مختلفة لرقم الشيب الواحد لا إشكال

"" عادة بنبدأ بأحدث إصدار و إذا لم يقرا الفلاشة نجرب اصدار اقدم و هكذا
و لا يشترط ان طالما الاصدار الاحدث لم يقرا الفلاشة يبقي الباقي لن يقراها
بالعكس حالات كثيرة جدا جدا الاصدار الأقدم هو الحل ""

و أيضا غالبا يوجد عدة صفحات للشيب الواحد كما هو مبين في آخر الصورة

اخترت مثلا أول برنامج موجود في القائمة


تعليقات و تجارب الاعضاء مفيدة
و أحيانا بيكون حل مشاكل كتير في الكلام الجميل ده

ضغطت download لتنزيل البرنامج


أكتر حاجه بتلخبطني شخصيا و أنا بكتب الكود ان لغة الكيبورد بتكون عربي
اتاكد ان لغة الكيبورد انجليزي
و الموقع كان حلو في الأول من غير أكواد خالص بس الظاهر المشاغبين عاملين ضغط
أدخلت الكود و ضغطت انتر او اضغط علي المربع اسفل خانة كتابة الكود



و بس يا معلم هتلاقي الداونلوود علي طول

و بكده يكون جزء التنزيل انتهي


و نقفل الجزئية دي علي كده


VI -البحث عن الكنترول بالبيد و الفيد


كما سبق برنامج الشيب الجنيس ممتاز لمعرفة الكنترول شيب و هو الخيار الأول و لكن أحيانا لا يستطيع البرنامج تحديد الكنترول كما في الصورة فما العمل إذن ؟؟؟




VIII -خاتمة




1-شئ طبيعي يكون هناك خاتمة طالما في مقدمة



2- موضوع الفيرم وير ليس لمجرد فرمته الفلاشة إنما بيفتح المجال لخيارات اخري مثل وضع حماية علي الفلاشة أو تقسيم الفلاشة الي جزئين و غيره



و إن شاء الله نستعرض الحكاية دي أثناء شروحات البرامج



3-أحيانا بعد فرمته الفلاشة بطريقة الموضوع نكتشف ان الفلاشة كانت مزورة و ان الحجم الفعلي للفلاشة أقل من المفروض !! إزاي



هذا موضوع آخر ممكن تتطلع عليه من هنا



احذروا من الفلاشات المضروبة



((و إن شاء الله سيجدد أيضا ))



واقراه دلوقتي و انت لسه علي البر بدل ما تقراه اجباري بعد كده



4- و في النهاية ما كان من صواب فهو فضل من الله و ما كان من خطأ فمن نفسي و من الشيطان






تم بحمد الله تعالى

منقول من العضو المميز mahmoud_abdou

_________________


الرجوع الى أعلى الصفحة اذهب الى الأسفل
http://dahab.alafdal.net
 
تصليح الفلاش ميموري --كلام نهائي--نسخه منقحة و مختصرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دهب الأفضل :: قسم الكمبيوتر والانترنت :: قسم الهاردوير-
انتقل الى:  


بعد الإنتهاء من الكتابة حدّد النص و إضغط  "Crtl + c " للنسخ و "Crtl + v " للصق

كل حقوق تحويل الكود الى منتديات أحلى منتدى محفوظة لـمنتدى العرب
عفوا النسخ للأعضاء فقط
زوارنا الكرام من
free counters